Username or E-mail Password -Forgot your password?Signup
keep me logged in

Blog

Nei Funktioun fir Biller an Dateien ze mellen

April 24, 2019
by jos

Mat dëser neier Funktioun kanns du elo ganz einfach Biller an Dateie mellen, déi falsch placéiert goufen, inadequat sinn, oder géint Plattform-Reegelen, Droits d'Auteur oder Dateschutzreegele verstoussen. Dësen Tool kann och benotzt ginn, wann s de wëlls, dass bestëmmte Biller vum Website ewech geholl ginn, ausserdeem erlabt den Tool d'Reaktiounszäiten ze kierzen.

Déi nei Funktioun ass a Newsfeeds, Billergalerien, a Microblogs an op villen anere Plazen disponibel an deckt wahrscheinlech ronn 95% vun alle Biller of, déi op der Plattform souwéi op Websiten ugewise ginn, déi mam Website-Manager erstallt goufen.

Deng Equipe vum Oli


Nei Hëllefssäiten elo online

March 27, 2019
by jos

Mir hunn elo eis nei Hëllefssäite publizéiert, op deenen aktuell Benotzerfunktiounen, Community-Funktiounen an Tools fir d'Baue vu Websiten behandelt ginn.

Dee ganzen Hëllefsberäich ass am Moment allerdéngs nëmmen an englescher Sprooch disponibel, däitsch a franséisch Versioune sollen zu engem spéideren Zäitpunkt kommen.

Am Moment schaffe mir un weidere Säiten, déi sech mat E-Learning-Apps, virtuelle Klassen a Schoulgestioun befaassen.

Mam Update vun Haut ass et elo och méiglech, Schülertexter ganz einfach bei Blogmessage bäizemaachen, wärend de Website-Manager elo och faarweg Notizen ënnerstëtzt. Doriwwer eraus bidde Web- a Publishing-Tools e verbesserte Caching vum Contenu.

Vill Spaass mat de neie Funktiounen

Deng Equipe vum Oli


Nei Funktioun 'Meng Famill'

March 21, 2019
by jos

Dës Woch hu mir déi nei Funktioun "Meng Famill" agefouert, mat där Familljen eng eege Grupp opmaache kënnen an Elteren och d'Konte vun hire Kanner geréieren an iwwerwaache kënnen.

Eltere kënne Familljegruppen opmaachen an aner Membere bei hir Famill bäimaachen. Ausserdeem kënne se och direkt Konte fir Kanner opmaachen, och wann dës nach keng eegen E-Mail-Adress hunn. Kanner kënnen d'Familljegrupp verloossen, soubal se 16 Joer al sinn an hir eegen E-Mail-Adress uginn hunn. Kanner kënne sech mat hire Konten umellen, soubal se 13 Joer al sinn (a bestëmmten EU-Länner 16 Joer).

Eltere kënnen d'Profilinformatioune vun hire Kanner gesinn an hir sozial Kommunikatiouns-Tools iwwerwaachen. Si kënne souguer d'Profildate vun hire Kanner läschen, Profilbiller ewech maachen a bestëmmte Kommunikatiouns-Tools desaktivéieren. Ausserdeem kënne sech Elteren och mat den Konte vun hire Kanner umellen, wann d'Kanner méi jonk wéi 16 Joer sinn.

Famillje kënnen eng eege virtuell Klass opmaachen, an där Elteren d'Übunge vun hire Kanner geréieren a Léierfortschrëtter verfollege kënnen.

Rollen (Schüler, Elteren oder Enseignante) kënnen elo direkt bei der Umeldung festgeluecht ginn. Nom éischten Umelle gi weider nëtzlech Informatioune bereetgestallt.

Vill Spaass mam Update

Deng Equipe vum Oli


Verbesserunge bei Privatsphär a Jugendschutz

March 08, 2019
by jos

Déi wichtegst Kommunikatiouns-Tools (Microblog, Frëndschaften, Chat a Messagen) kënnen elo fir all Konto getrennt aktivéiert oder desaktivéiert ginn.

Benotzer kënnen dës Funktiounen iwwer hir Kontosäit aktivéieren oder desaktivéieren, an Eltere kënnen dës Funktioune beispillsweis och fir hir Kanner spären.

Nëmmen Erwuessener kënnen dës Spären ophiewen, wärend Mannerjäreger e virgedréckten, vun hiren Elteren ënnerschriwwenen Autoriséierungsformulaire eropluede mussen.

Enseignante kënnen dës Funktiounen och fir all SchülerInnen iwwer d'Klassebuch-Applikatioun aktivéieren oder desaktivéieren.

Vill Spaass mam Update

Deng Equipe vum Oli


Blog a Website Update

March 02, 2019
by jos

De Blog-Modul ënnerstëtzt elo eis Standard-Kommentarfunktioun. Dat bedeit, datt registréiert Benotzer Blog-Posts an enger virtueller Klasse oder op enger Schoulwebsäit souwuel "like" wéi och kommentéiere kënnen. Denk drun, dass d'Kommentarfunktioun souwuel an denger virtueller Klass wéi och op denger Websäit manuell mussen aktivéiert ginn.

Mam "virtuell Klass" Website-Widget kënnen elo Inhalter aus bis zu aacht Klasse gläichzäiteg ugewise ginn. Dozou gehéieren och Blogbäiträg, Texter, Fotoen an aner Medien.

De Blog-Editor gouf och aktualiséiert, an et ginn elo direkt Links op all benotzte Verzeechnisser. D'Duerstellungs-Logik vum Galerie-Modul gouf och verbessert, an de Smartphone-Interface vum Blog-Editor a vum Media Manager goufe weider ugepasst.

Vill Spaass mam Update!

Deng Equipe vum Oli


...
History & Milestones

For students

Practice & learn using our large collection of great free e-learning apps.
Communicate, create & publish projects, share your knowledge.

For parents

Create free worksheets for your kids, allow them to learn online.
Mathematics, languages, science, history, geography, chemistry & more...

For teachers

Create work plans and worksheets, allow students to learn individually.
Manage plans, texts and documents within a virtual classroom.
Advertisements
©2008-2019 Joopita Research a.s.b.l | About | Donations | Sponsoring | Advertising | Support | Press
Copyright | Disclaimer | Privacy Policy | Terms of Use | Contact Us